गोरु काटेर खाएको निउमा गोली चलाइयो।

राजेन्द्र न्यौपाने

गोरखा, साउन २९ - गोरखा, साउन २९ तामाङ समुदायका मानिसले आफ्नो संस्कृति अनुसार गोरु काटेर काटेर खाएका आरोपमा सिमजुङको सिरानडाँडामा आज गोली चलेको छ । गोली लागि स्थानीय ७० वर्षिय लाक्पा तामाङ घाईते भएका छन् । घाईतेलाई उपचारका लागि गोरखा अस्पताल ल्याईदै गरेको जिल्ला प्रहरी कार्यालय गोरखाका प्रहरी निरीक्षक दिपक श्रेष्ठले बताए ।

गाउँमा गोरु काटेर खाएको भन्दै चौकीमा उजूरी परेपछि गोरु काटेकै स्थानमा विहान ११ बजे प्रहरी पुगेको थियो । स्थानीयले गाउँमा नै कुरा मिलाऔं भन्दा प्रहरीले चौकी जाउँ भनेपनि धकेलाधकेल भएको स्थानीय प्रत्यक्षदर्शीले बताएका छन् । यसैवीचमा प्रहरी गोली चलाएको तामाङको अनारीमा गोली लागेको उनले बताए । तीन राउण्ड माथि र एक राउण्ड तल फायर गर्दा उनी गम्भीर घाईते भएका हुन् । घाइतेको भच्चेक स्वास्थ्य चौकीमा प्राथमिक उपचार गरिएको थियो ।

घटनाबारे थप जानकारी लिन र स्थितिलाई नियन्त्रणमा लिन सौरपानी र जौवारीबाट प्रहरीको टोली खटिएको जिल्ला प्रहरी कार्यालय गोरखाले जानकारी दिएको छ । तामाङ समुदायको संस्कृतिमा गाई, गोरुको मासु अनिवार्य छ । धर्म निरपेक्ष राज्यमा सबैले आफ्नो धर्म अनुसारका कर्म गर्न पाउँछन् , तर गोरखामा भने कानुनी राज्यको उपहास भएको संघीय समाजवादी पार्टी गोरखाका अध्यक्ष सुकदेव तामाङले बताए ।

प्रहरीले भने यसबारे कुनै प्रतिक्रिया दिएको छैन । प्रहरी नायव उपरिक्षक रमेश थापा सहितको टोली घटनास्थल तर्फ लागेको छ । नेपालको संविधानमा धर्म निरपेक्ष राज्य उल्लेख भएपनि कानुन भने पुरानै रहेका कारण गाई गोरु काटन् नपाईने अवस्था रहेको मानवअधिकारकर्मी एवं अधिवक्ता स्थानेश्वर दवाडी बताउँछन्