झापा, भदौ ३– पूर्वी नेपालको मुख्य नाका काँकडभिट्टामा इबोला भाइरसको सङ्क्रमण रोक्न सरकारले क्वारेन्टाइन हेल्प डेक्स सञ्चालनमा ल्याएको छ ।
अध्यागमन कार्यालय परिसरमा स्थापना गरिएको इबोला हेल्प डेक्समा अहेव हरिश्चन्द्र देवकोटाको नेतृत्वमा स्वास्थ्यकर्मीको एक टोली खटिएको छ ।
टोलीले दक्षिण अफ्रिकी मुलुकबाट नेपाल आउने पर्यटकका बारेमा सोधखोज गर्ने र आवश्यक स्वास्थ्य परामर्श र सम्भाव्य सङ्क्रमित व्यक्तिको निगरानी गर्ने अहेव देवकोटाले जानकारी दिए ।
झापाको काँकडभिट्टा भारतको पश्चिम बङ्गालसँग सीमा जोडिएको र सिक्किम, आसाम, मेघालय, नागाल्यान्डलगायतका प्रान्तसँग नजिक रहेको नेपालको पूर्वी नाका हो ।
नेपाल इबोलाको उच्च जोखिममा रहेकाले रोग भित्रिन नदिन विज्ञहरुले जोड दिँदै आएका छन् । विज्ञहरुका अनुसार नेपालमा इबोला भित्रिए विकराल रुप लिने भन्दै बेलैमा सचेत रहनु पर्नेभन्दै सरकार गम्भीर भएर अघि बढ्नुपर्नेमा जोड दिँदै आएका छन् ।
No comments:
Post a Comment