एमाले उम्मेदवार माथि गोली प्रहार :-

बारा/वीरगन्ज, आश्विन १८ -
संविधानसभा निर्वाचनका लागि प्रत्यक्षतर्फ उम्मेदवारी मनोनयन गरेको २४ घन्टा नबित्दै अज्ञात समूहले एमाले बारा क्षेत्र नम्बर ४ का उम्मेदवार महमुद आलममाथि गोली प्रहार गरेको छ । उनी गम्भीर घाइते छन् ।...

बाराको परवानीपुरस्थित चवासती खाद्य उद्योगअगाडि भारतीय नम्बर प्लेटको मोटरसाइकलमा आएका दुई जनामध्ये एकले शुक्रबार बिहान करिब साढे ११ बजे गोली हानेका हुन् । टाउकामा गोली लागेका आलमको वीरगन्जमा प्रारम्भिक उपचारपछि राजधानीस्थित त्रिवि शिक्षण अस्पतालमा थप उपचार भइरहेको छ । आलम एमालेका केन्द्रीय सदस्य तथा मुस्लिम इत्तिहाद संगठनका केन्द्रीय अध्यक्ष हुन् ।

वीरगन्ज-पथलैया सडकछेउमा रहेको 'पीसीओ' सामुन्ने फोनमा कुरा गरिरहेका बेला मोटरसाइकलबाट उत्रेर एक जनाले नेताजी भन्दै टाउकामा गोली हानेको प्रत्यक्षदर्शीले बताए । वरिपरि रहेका कामदारले घेराउ गर्न खोज्दा हतियारधारीले हवाई फायर गरेका थिए । 'आत्तिएर मोटरसाइकल भगाउन खोज्दा एकपल्ट पल्टिए,' एक प्रत्यक्षदर्शीले भने, 'बन्दुक तेस्र्याएपछि हामी डरायौं । हतियारधारी दक्षिणतर्फ भागेका थिए ।' झन्डै एक महिनाअघि भारतीय अपराधी अब्दुल करिम टुन्डा र यासिन भट्टकल नेपालबाट पक्राउ पर्दा भारतीय सञ्चारमाध्यमले उनीहरूको आलमसँग सम्बन्ध रहेको समाचार प्रकाशन गरेका थिए ।

आलमसँगै रहेका उनका छोरा जम्सार अख्तरले बुवा फोनमा कुरा गरिरहेका बेला अचानक ट्रकको टायर पड्केको जस्तो ठूलो आवाज सुनेको बताए । 'एक छिनमा बुवा सडकमा ढलेको देखें,' उनले भने, 'नेताजी भन्ने व्यक्तिले गोली हानेछ ।' टाटा सुमोमा बिहान कार्यकर्तासहित चुनाव प्रचारमा हिँडेका आलममाथि उद्योगबाट पैदल निस्किरहेका बेला गोली हानिएको थियोे ।

'कार्यकर्तालाई भेट्न नेताजी उद्योगमा छिरेका थिए,' आलम निकट कार्यकर्ता जगदीश रामले भने, 'हामी नजिकको चिया पसलमा बस्यौं,' उद्योगबाट निस्कँदा उनी फोनमा कुरा गर्दै पैदलबाहिर आएका थिए । पहिलेदेखि मोटरसाइकलमा कुरी बसेका हतियारधारीले गोली हानी भागेको उनले बताए ।

आलमसँगै रहेका एमाले ४ का क्षेत्रीय अध्यक्ष राम क्षेत्रीसँग प्रहरीले विशेष सोधपुछ गरिरहेको छ । बाराका प्रमुख जिल्ला अधिकारी दिनेश भट्टराईले उम्मेदवारलाई सुरक्ष्ाा सतर्कता अपनाउन आग्रह गरेको बताए । 'चुनाव प्रचारमा जाँदा नजिकको प्रहरीसँग समन्वय गरी जान भनेको छु,,' उनले भने ।

प्रहरी उपरीक्षक ठाकुरप्रसाद ज्ञवालीले सिमाना 'सिल' गरी आक्रमणकारीको खोजतलास भएको बताए । घाइते आलमलाई वीरगन्जस्थित नेसनल मेडिकल तथा शिक्षण अस्पताल पुर्‍याएकोे ४० मिनेटपछि मात्र प्रहरी आएको कार्यकर्ताले गुनासो गरे । अस्पतालका इमरजेन्सी सेवा प्रमुख डा. इस्लाम मन्सुरले आलमको टाउकाको दाहिने भागमा १ सेन्टिमिटर गोलाइको घाउ देखिएको बताए ।

थप उपचारका लागि आलमलाई दिउँसो करिब २ बजे नेपाली सेनाको हेलिकप्टरमा काठमाडौं लगिएको थियो । आक्रमणको विरोधमा आक्रोशित कार्यकर्ताले परवानीपुरमा सडक अवरुद्ध पारी आवागमन ठप्प पारेका थिए । एमाले जिल्लाका प्रचार विभाग प्रमुख कृष्ण पौडेेलले शुक्रबार साँझ विज्ञप्ति जारी गर्दै घटनाको उच्चस्तरीय छानबिन माग गरेका छन् ।

बाराको लिपनीमाल-१ निवासी आलमका श्रीमती र ३ छोरा छन् । आलम २०५६ सालको संसदीय चुनावमा कांग्रेसका फरमुल्ला मन्सुरका निकटतम प्रतिद्वन्द्वी थिए भने २०६४ को संविधानसभाको चुनावमा तमलोपाका जीतेन्द्र सोनलसँग पराजित भएका थिए ।See More

Like · · Shar

चिनिया जनमुक्ति सेनाले भारत वा नेपालमा प्रवेश गर्न सक्ने सम्भावना नरहेको! "प्रधानसेनापत्ती गौरब सम्सेर जबरा"

नयाँ दिल्ली, आश्विन १९ - प्रधानसेनापति गौरवशमशेर जबराले 'आफैंमा तिव्वती मुद्दादेखि जियाङजिङको पृथकताबादी समस्यामा जुधिरहेको छिमेकी चीनले भारत वा नेपालका अन्य मामलामा हात हाल्न नसक्ने' टिप्पणी गरेका छन् ।

भारतको छ दिने भ्रमणमा आएका प्रधानसेनापति राणाले चण्डीगढमा स्थानीय सञ्चारमाध्यमसँग कुरा गर्दै चिनिया जनमुक्ति सेनाले भारत वा नेपालमा प्रवेश गर्न सक्ने सम्भावना नरहेको बताए । भारतको ६४० किलोमिटर भित्रको लद्धाख भूमी चिनिया सेनाले कब्जा गरेको भन्ने रिपोर्टका आधारमा राणाले चिनिया सेनाको यस्तो उपस्थिति असम्भव रहेको बताएकाछन् । 'हामी असंलग्न आन्दोलनका पक्षधर हौं, कुनै देशमा युद्धको स्थिति उब्जिएमा पनि हामी साथ दिन सक्दैनौं,' उनले भने । चिनियाँको पक्षबाट हुने कुनै पनि आक्रमणलाई प्रतिकार गर्न भारत सक्षम रहेको टिप्पणी उनले गरेका थिए ।

चण्डीगढमा जारी नेपाल-भारत संयुक्त सैन्य तालिम अवलोकन गरेर शुक्रबार अपरान्ह राणाले दिल्लीमा रक्षा मन्त्री एके एन्टोनीसाग भेटवार्ता गर्ने कार्यक्रम रहेको भएपनि बिमान समयमा नआएपछि यो कार्यक्रम रद्द भयो । आज भारतीय विदेश सचिव सुजाता सिंहसाग भेटवार्ता गरेर राणा स्वदेश फिर्नेछन् ।

प्रकाशित मिति: २०७० आश्विन १९ ११:४०

श्रोत;कास

कार्यकर्ता रिहाइको माग गर्दै लिम्बुवानले गर्‍यो पूर्व बन्द

• 
  

   दिपक बिष्ट 

  असोज १८ दमक,मञ्च सम्बद्ध संघीय लिम्बुवान राज्य परिषदले पूर्वमा अनिश्चितकालीन बन्दको आह्वान गरेको छ । पक्राउ परेका आफ्ना कार्यकर्ताको रिहाईको माग गर्दै बन्द आह्वान गरिएको अध्यक्ष कुमार लिङ्देनले जानकारी दिनुभयो ।
  
  लिङदेनले एक विज्ञप्ति जारी गर्दै पक्राउ परेका आफ्ना कार्यकर्तालाई बिना सर्त रिहा गर्न आग्रह गर्नुभएको छ । लिम्बुवानले संविधानसभा निर्वाचनका लागि बिहीबार भएको उम्मेदवारी दर्ता प्रक्रियामा अवरुद्ध पार्न  पूर्वका नौ जिल्ला बन्द आह्वान गरेको थियो । सोही बन्द सफल पार्न आह्वान गर्दै हिँडेका १८ जना कार्यकर्तालाई प्रहरीले विभिन्न स्थानबाट पक्राउ गरेको थियो ।

डा-बाबुराम भट्टराइ , नेपाली गाडी नपाएर कि भारत भक्ति देखाउनलाई हो यो ?

 प्रमेस अधिकारी 

असोज १८, रुपन्देही-  आफ्नो उमेअदवारी दर्ता गराउन  डा बाबुराम भट्टराईले भारतीय नम्बर प्लेटको गाडी चढेर गएछन् ।  निर्वाचनमा उमेदवारी दर्ता गर्ने दिनदेखिनै  भारतभत्तीको इस्वार गराउदैछन ।
बाबुरामले रुपन्देही जिल्लामा आफ्नो उम्मेदवारि दर्ता गराउन जाँदाको यो द्रिष्यले उनैलाई ब्यंग्य गरेको थियो । किनभने जनयुद्द शुरु गर्नु पूर्व बाबुरामले तात्कालिन देउवा सरकारलाई २० दिनको अल्टिमेटम दिएका थिए जनमोर्चा नेपालका तर्फबाट । उनले बुझाएको ४० बुँदे मागपत्रको बुँदा नम्बर ३ मा यसो लेखिएको थियो-

३ नेपाल-भारत खुला सिमाना नियन्त्रित र व्यवस्थित गरिनुपर्छ । नेपालभित्र भारतीय नम्बरप्लेटका गाडीहरू चलाउन तत्काल रोक लगाउनु पर्छ ।

४० बुँदा मध्यको यो एउटा बुँदा हो जसलाई जनयुद्द गरिनुपर्ने कारण भनिएको थियो । आज त्यही बुँदाको बलत्कार गर्दैछन बाबुराम । उनी आफ्नो उम्मेदवारी दर्ता गराउने क्रममा भारतीय नम्बर प्लेटको गाडी प्रयोग गर्दैछन । उसो भए तात्कालिन ४० बुँदे माग केका लागि थियो ? जनताका छोराछोरीलाई जनयुद्दमा होमेर आफू सत्तामा पुग्न ? भारतीय नंबर प्लेटका गाडी बन्देज गर्नुपर्ने माग केकालगि थियो ? जनतालाई राष्ट्रबादी हुँ भन्ने नाटक देखाएर सस्तो लोप्रियता हाँसिल गर्न ?

देशको प्रधानमन्त्री भैसकेको ब्यक्ति । प्रमुख दलको वरिष्ठ नेता । यस्तो ब्यक्तिले यसरि बिदेशी नंबर प्लेटको गाडी चढेर जानुको स्वार्थ के ? यसले के सन्देश दिन्छ ? भारतीय प्रशासन, शासकलाई त यसले खुशि बनाउला नै । तर नेपाल र नेपालीका लागि यसले कस्तो असर गर्ला ?भन्ने त्यहाको सर्वसाधरनको जिज्ञासा रहेको छ। 

म्यादी प्रहरीमा लाइदिने भन्दै भोट माग्दै

१८ असोज, पर्सा । सर्वसाधारणलाई विभिन्न प्रलोभनमा पारेर भोट माग्ने क्रम बढेको छ । केही उम्मेदवारले युवालाई म्यादी प्रहरीमा भर्ना गराईदिने प्रलोभन दिएरसमेत भोट माग्न थालेका छन् । आफूलाई भोट दिए, आफ्नो दलमा प्रवेश गरे वा चुनावमा आफ्नो पक्षमा प्रचारप्रसार गरेर सहयोग गरेको खण्डमा म्यादी प्रहरीमा जागिर लगाइदिने प्रलोभन र आश्वासन उनीहरुले बाँडेका छन् ।
बेरोजगार युवालाई म्यादी प्रहरीमा भर्ना गराए सहानुभूति पाइने भएकाले धेरै उम्मेदवारले भोट तान्न यस्तो उपाय थालेको कान्तिपुर दैनिकमा खबर छ । प्रहरी प्रमुखसँग राम्रो सम्बन्ध भएको दाबी गर्दै चुनावी प्रचारमा रहेका ठूला तथा साना दलका उम्मेदवारले म्यादी प्रहरीका लागि दरखास्त दिएका युवालाई आफ्ना पक्षमा पार्न कसरत गरेका छन् । भर्ना गराईदिन बिचौलियाले २ हजारदेखि ५ हजारसम्म माग्दै हिँडेका एक आवेदनकले बताए । चुनाव अवधिसम्म म्यादी प्रहरीमा भर्ना हुँदा १ जनाले करिब ३१ हजार तलब पाउँछन् । म्यादी प्रहरीले प्रहरी जवान बराबरको तलब सुविधा पाउँछन् ।
बिरन्चीबर्वाका युवा तथा एमालेबाट समानुपातिकतर्फका उम्मेदवार सिफारिस अनुप तिवारी साना दल मात्र नभई आफूलाई ठूला र चर्चित उम्मेदवार दाबी गर्नेहरुसमेत म्यादी प्रहरीमा भर्ना गराइदिने प्रलोभन बाँड्दै हिड्ने गरेको बताए । पोखरियाका सामाजिक कार्यकर्ता धर्मेन्द्र चौरसियाले पनि दलका उम्मेदवार र नेता मात्र नभई दलआबद्ध नभएका केही दलाल प्रवृत्तिका व्यक्तिले पनि गाउँ गाउँमा यो अभियान चलाएको दाबी गरे ।

१० जना पार्टी पदाधिकारी तथा सदस्यहरुलाई पक्राउ!

३३ दलीय राजनैतिक मोर्चाबाट कथित संविधान सभा निर्वाचनको वहिष्कार कार्यक्रम तीब्ररुपमा भईरहेको व्यहोरा अवगत नै छ । यसै अन्तर्गत आज मिति २०७० असोज १६ गतेका दिन पूर्वनिर्धारित कार्यक्रम अनुसार मुलुकका बिभिन्न जिल्लाहरुमा प्रत्यक्ष तथा समानुपातिक उमेरद्वारीका लागि आवेदन दर्ता गर्न जाने बिभिन्न पार्टीका उमेरद्वारहरुलाई बिरोध प्रदर्शनका शान्तिपूर्ण क्रियाकलापहरु प्रदर्शन गर्ने क्रममा यस पार्टीको संखुवासभा जिल्ला परिषद अध्यक्ष कुमार तामाङ्ग लफ्नोगायत १० जना पार्टी पदाधिकारी तथा सदस्यहरुलाई पक्राउ गरिएकोप्रति हाम्रो गम्भिर ध्यानाकर्षण भएको छ । 

लोकतान्त्रिक मुल्यमान्यता अनुरुप आफ्नो आस्था र विश्वास अनुरुप शान्तिपूर्ण बिरोध प्रदर्शन गर्न पाउने कानूनी अधिकार र स्वतन्त्रताको घोर उल्लंघन गर्दै संखुवासभा प्रशासनले हाम्रा कार्यकर्ताहरुलाई गिरफ्तार गरेकोमा घोर आपत्ति व्यक्त गर्दै खेद प्रकट गर्न चाहन्छु । साथै उक्त गिरफ्तार गरिएका पार्टी पदाधिकारी तथा कार्यकर्ताहरुलाई अविलम्ब विनासर्त रिहा गर्न आग्रह समेत गर्दछु । हाम्रो आग्रहलाई कमजोरी सम्झि पक्राउ परेका पार्टी पदाधिकारी तथा सदस्यहरुलाई रिहा नगरिएमा सशक्त आन्दोलनका कार्यक्रमहरु घोषणा गरी पार्टी अगाडि बढ्ने चेतावनी समेत दिन चाहन्छु ।

पक्राउ परेकाहरुको नामावली ः
१. कुमार तामाङ्ग, अध्यक्ष ः संखुवासभा जिल्ला परिषद, संघीय लोकतान्त्रिक राष्ट्रिय पार्टी ।
२. विश्व उदास, सचिव ः ,,
३. खीलजङ्ग राई, सह–सचिव ः ,,
४. भुवन राई , सदस्य ः ,,
५. सागर राई, सदस्य ः ,,
६ दीलिप राई, सदस्य ः ,,
७. सञ्जु राई, सदस्य ः ,, लगायत दशजना ।

संघीय अभिवादन !
मिति ः २०७० असोज १६ गते

........................
छविसुब्बा सङबाङफे लिम्बू
.महासचिव
केन्द्रीय समिति

कर्णबाज नेम्वाङको लुम्बीनी-काकडभिट्टा एकल म्याराथन शुरु :-

असोज१३, पाँचथर इम्वुङ २ का कर्णबाज नेम्वाङ (बाज)ले आइतवार रुपन्देहिवाट काँकडभिट्टासम्म ७ सय किलोमिटर एकल म्याराथन दौड शुरु गरेका छन।
उनले बिहान ५ बजे लुम्बिनी स्थित मायादेबी मन्दिरबाट दौड शुरु गरेका हुन ।
उनले बिहान ५ बजे मन्दिरमा प्राथना गरेर दौडको औपचारिक शुरुवात गरेका मन्दिरका सुरक्षाकर्मीले उनको औपचारिक बिदाई गरेका थिए । नेम्वाङले ‘विश्वशान्ति–मानव पहिचान, हाम्रो अभियान’ भन्ने मुल नाराका साथ दौड शुरु गरेका हुन ।
गौतम बुद्धको जन्मस्थलका विषयमा भारतले गर्दै गलत प्रचार बिरुद्ध दौड शुरु गरेको उनको भनाई छ । उनी १३ वर्षदेखि बहराइन स्थित अमेरिकी दुतावासमा सुरक्षा अधिकृतका रुपमा कार्यरत छन् । उनले नर्बे, हङकङ र बेलायत लगायतका मुलुकमा म्याराथन अभ्यास गरेका थिए ।
उनले गतवर्ष पाँचथर सदरमुकाम फिदिमदेखि काठमाण्डौसम्मको नौसय किलोमिटर एकल म्याराथन १७ दिनमा पुरा गरेका थिए ।
‘आगामी वर्षहरुमा यो भन्दा अझ लामो दूरीका दौडहरु सञ्चालन गर्दै किर्तिमान कायम गर्दै जाने योजना छ भनी उहा भन्नु हुन्छ !