चक्काजाम पछि लाक्पा परिवारले १० लाख पाउने ।

 काठ्माण्डौ,भाद्र ५-   गत साउन २९ गते सिम्जुङ गाविस ६, सिरानडाँडाका ६२ वर्षिय लाक्पा तामाङको प्रहरीको गोली प्रहारबाट मृत्यू भएको घटनाको विरोधमा आदिवासी जनजाती महासंघ जिल्ला समन्यवन परिषदले गोरखा सदरमुकामको हरमटारीमा चक्का गरेको छ ।

गोरु काटेको विषयमा भनाभन हुँदा प्रहरी गोली हानेर घटनामा संलग्न नभएको ब्यक्तीलाई घाईते बनाएको भन्दै परिषदले विहान १० बजे देखि चक्काजाम गरेको जनाएको छ । गोरखा सदरमुकामको हरमटारीमा जम्मा भएका आदिवासीहरुले नारावाजी गर्दै विरोध प्रदशन गरिरहेका छन् ।

उनीहरुले गोली हान्ने प्रहरीलाई ज्यान मारेको उद्योगमा मुद्धा चलाउनुपर्ने, चौकी ईन्चार्जलाई विभागिय कारवाही गनुपर्ने, पिडित परिवारलाई १० लाख क्षतीपूर्ती दिनुपर्ने, मृतक लामाको शव काठमाण्डौँबाट हेलिकप्टरमा गाउँमै पु¥याउनुपर्ने लगायतका आठ बुँदे माग राखेका छन् । चक्का जाम भएसँगै जिल्ला सदरमुकाम भित्रने र सदमुकाम बाट बाहिरिने सवारी साधन चल्न सकेका छैन् ।

आदिवासी अधिकारकर्मी, मृतकको परिवार र गृहमन्त्री वीच बुधबार भएको छलफलमा मृतकको परिवारलाई १० लाख रुपैया उपलब्ध गराउने सहमति भएको छ । गृहले यस सम्वन्धमा अर्थलाई पत्र लेख्ने काम समेत भएको हो । मृतक लाक्पाको शवलाई केही दिनपछि सेनाको हेलिकोपटर मार्फत गोरखा पुर्याईदिने निर्णय समेत भएको स्रोतले जानकारी दिए पनि धर्मनिरपेक्षता सँग बाझिन आएका एनहरुलाई शंसोधन गर्ने भन्नेमा चै सबै मौन छन।