काठमाडौं, मंसिर ९ । केन्द्रीय समितिको बैठक राख्न दबाब दिन फरक धारका नेता–कार्यकर्ताहरू हस्ताक्षर संकलनमा अभियानमा लागेको बेला संघीय लिम्बुवान पार्टी नेपालका अध्यक्ष कुमार लिङ्देनले असन्तुष्ट पक्षलाई सहमतिको लागि भन्दै छ बुँदे प्रस्तावसहितको पत्र बुझाएका छन् ।
असोज ६ गते महासचिव सूर्य माखिममार्फत असन्तुष्ट पक्षलाई सो पत्र बुझाएका हुन् । पत्रमा प्रस्तावको १ नम्बर बुँदामा झापा दमकबाट प्रकाशन भई लोकार्पण भएको विधान नै लागु हुनुपर्ने, सोसम्बन्धी किचलो झिक्ने पदाधिकारीहरूले माफी माग्नुपर्ने उल्लेख छ । २ नम्बर बुँदामा समानान्तर सरकार र ग्रेटर लिम्बुवानको आवाज उठाउँदै आएका नेताहरूले यो मुद्दा नउठाउने गरी लिखित प्रतिबद्धता गर्नुपर्ने उल्लेख छ ।
लिम्बुवान चाहने पार्टीहरूसँग मोर्चाबन्दी र भविष्यमा पहिचान पक्षधरहरूको एउटै चुनाव चिन्ह हुने गरी महाएकतामा जानुपर्ने र पार्टी चेन अफ कमान्डको सिस्टमअनुसार अघि बढ्ने प्रस्ताव गरिएको छ । यी बुँदाहरू आफूहरूको बटम लाइन भएको पत्रमा उल्लेख छ ।
संघीय लोकतान्त्रिक मञ्च चाँडो ब्युँताउनुपर्ने, एकतापछि दमकमा भएको पहिलो बैठकमा दुई हजार तिरेर सहभागी भएका व्यक्ति वा उपस्थित हुन नसक्नुको दरिलो आधार पेस गरेको व्यक्ति मात्र केन्द्रीय सदस्य मानिनुपर्ने, लिम्बुवान चाहने पार्टीहरूसँग मोर्चाबन्दी र भविष्यमा पहिचान पक्षधरहरूको एउटै चुनाव चिन्ह हुने गरी महाएकतामा जानुपर्ने र पार्टी चेन अफ कमान्डको सिस्टमअनुसार अघि बढ्ने प्रस्ताव गरिएको छ । यी बुँदाहरू आफूहरूको बटम लाइन भएको पत्रमा उल्लेख छ ।
पत्रको बेहोरामा एकतापछि संस्थागत गर्न खोज्दा एकताको जस लिन खोज्ने, पार्टीभित्र स्पेस खोज्ने र बनाउने क्रियाकलापले संस्थागतीकरण सोचेअनुसार अघि बढ्न नसकेको उल्लेख छ । एकतापछि नेताहरू नयाँनयाँ कुरा आए पनि सुनेर, सहेर बसेको समय आएपछि बोल्नैपर्ने भएकोले बटमलाइन अघि सारिएको उल्लेख छ । सहमतिको लागि प्रस्तुत बुँदाहरू एक शब्द पनि तलमाथि नहुने पत्रमा उल्लेख छ ।
महासचिव सूर्य माखिममार्फत विपक्ष खेमालाई लेखिएको पत्रमा भनिएको छ, ‘यी बुँदाहरू खगेन्द्रजी, प्रेमदीपजी, कमल छाराहाङज्यू, बीर नेम्बाङज्यू, संजुहाङ पालुङ्वाज्यू, रामभक्त कुरुम्बाङज्यूलाई एकदम चाँडै सुनाइ दिनुहोला ।’
‘राजनीति हो, आन्दोलन हो जहाँ सँगै मर्ने सँगै बाँच्ने कुराहरू हुन्छन् । यति धेरै अविश्वास र असमझदारीबीच कसरी अघि बढ्न सकिन्छ ?’ प्रश्न गर्दै समय हुँदै स्पष्ट हुनुपर्ने पत्रमा उल्लेख छ । पत्रमा उल्लेख भएका वीर नेम्बाङ तत्कालिन लिम्बुवान मुक्ति मोर्चाका अध्यक्ष, कमल छाराहाङ संघीय गणतान्त्रिक पार्टीका अध्यक्ष, सञ्जुहाङ पालुङ्वा संघीय लिम्बुवान राज्य परिषद र रामभक्त कुरुङ्बाङ लिम्बुवान मुक्ति मोर्चा नेपालका अध्यक्ष थिए ।
पत्रमा एकता प्रकृयामा आएका सवै नेताहरूको नाम उल्लेख छ । एकता हुनुभन्दा अघि सँगै रहेका वर्तमान उपाध्यक्ष खगेन्द्र माखिम र युवा नेता प्रेमदीप थाम्सुहाङको पनि नाम उल्लेख छ ।
लिम्बुवान आन्दोलनलाई सशक्त बनाउने उद्देश्यले पाँच वटा लिम्बुवानजन्य पार्टीबीच २०७१ साउन १८ र १९ गते धनकुटाको भेडेटारबाट एकटा भएको थियो । एकतापछि असोज ४ गते झापाको दमकमा केन्द्रीय समितिको बैठक, २०७२ असार ९—११ गते इलाममा सचिवालयको बैठक भएको थियो । दुवै बैठक विवादमा रुमलिएको थियो ।
पार्टी एकता गराउन कसरत गरेका विज्ञ समितिको पहलमा असार ३० गते सुनसरीको धरानमा पदाधिकारी बैठक बसाएर विवाद केही मत्थर पार्ने प्रयास गरे पनि संविधान घोषणापछि गुटगुटको बैठक बसे पनि औपचारिक रूपमा संयुक्त बैठक बस्न सकेका छैनन् ।
पार्टीभित्रका क्रान्तिकारी युवा कार्यकर्ताहरू, देशविदेशमा रहेका सहयोगी तथा शुभचिन्तकहरूले पार्टी नफुटाउन चर्को दबाब परिरहेको छ ।
Best Child - Friendly Hotels In Turkey, Antalya
ReplyDelete