नेता माखिमाले भने - लिम्बुवान र लिम्बुवानी जनताको सहभागिता बेगर अब पनि सिंहदरबारले कुनै पनि निर्णय गर्छ भने त्यसलाई अस्विकार गर्छौ !

जस मोक्तन

२४ मङ्सिर २०७०, कतिथ संबिधान सभाको चुनावमा पहिचानबादी शक्तिले हार ब्योहोरेको भन्दै केहि सञ्चार माध्यमले गलत प्रचार प्रसार गरेर नेपाली जनतामा भ्रम सृजना गरेको संघिय लोकतान्त्रिक राष्ट्रिय मंञ्चका महासचिव खगेन्द्र माखिमले आरोप लगाएका छन ।

मंसिर ४ मा भएको दोस्रो संबिधान सभाको चुनाव र चुनावी सरकार असंबैधानिक भएको ठहर गर्दै त्यसको बिरोध जनाउदै आईरहेको मंञ्च सम्बध्द संघिय लिम्बुवान राज्य परिषद झापा जिल्लाको आयोजनामा कथित चुनावलाई विफल तुल्याउन दश दिने यातायात बन्दको क्रममा पार्टीले खेलेको भूमिका बिषयमा मंसिर २२ गते भएको एक दिने समिक्षा कार्यक्रममा बोल्दै नेता माखिमले सो कुरा बताएका हुन ! चुनावमा जान चाहेको तर असंबैधानिक कदम नसच्याएर पहिचानबादि शक्तिलाई चुनावबाट बाहिर राखेर गरिएको षडयन्त्रपूर्ण चुनावले पहिचानबादी र एकात्मकबादीको कित्ता छुट्याउन नसक्ने बताउदै पहिचानबादि शक्ति संग एक पटक भिडेर देखाउन चुनौति दिएका छन । नेता माखिमले लिम्बुवान र लिम्बुवानी जनताको सहभागिता बेगर अब पनि सिंहदरबारले कुनै पनि निर्णय गर्छ भने त्यसलाई अस्विकार गर्ने जनाउदै मुल मुध्दा प्राप्त नभए सम्म बरु रिक्स मोल्न तयार रहने तर अस्विकार गर्ने पार्टिको राजनैतिक लाईन भएको पनि बनाउनु भएको छ ।

पूर्वको व्यस्त शहर बिर्तामोडमा भएको उक्त कार्यक्रममा परिषदका केन्द्रिय अध्यक्ष कुमार लिङदेन लगायत अन्य केन्द्रिय नेताहरुको समेत उपस्थितीरहेको थियो । कार्यक्रममा दश दिने बन्दको क्रममा झापाबाट पक्राउपरेका नेता तथा कार्यकर्ताहरुलाई सम्मान गरिएको थियो , कार्यक्रमलाई संम्बोधन गर्दै अध्यक्ष लिङदेनले पश्चिमको थवाङ जस्तै लिम्बुवान क्षेत्रको पाँचथर लुङरुपाको जनताले पनि कथित चुनावलाई पूर्ण बहिस्कार गरेर पहिचानबादिहरुको एकता प्रस्तुत गरेको बताउनु भएको छ