"buddha was born in nepal" भन्ने मुल नाराको साथ बुद्ध जयन्ती संपन्न|

• "buddha was born in nepal" भन्ने मुल नाराको साथ बुद्ध जयन्ती संपन्न

पूर्ण सुहाङ दोहा,१७ मे, दोहामा २५५८ औ विबुश्व शान्तिका अग्रदुत तथा नेपालको राष्ट्र बिभुती महापुरुष सिदार्थ गौतम बुद्धको २५५८ औ जन्मोत्सब कतारको अबुहमर स्तिथ नेपाली दुतुवासमा नेपाल प्रवासी मगर संघ,तमु(गुरुङ) सेवा समाज,थारु कल्याण्डकारी समाज कतार र नेपाल प्रवासी तामाङ संघले संयुक्त्त रुपमा मनाएको छ।

बुद्ध गुम्बामा आरधना र राष्ट्र गान बाट सुरु भएको कार्यक्रमको प्रमुख अतिथी कतारको लागि राजादुत महामहिम गणेश प्रसाद ढकालले करीब २६०० वर्ष अघिनै भगवान गौतम बुद्धले दिनुभएको पञ्चङ्गाज्ञ शन्देश आज विश्वमा आवश्यकता भएको भन्दै नेपाली समुदायले यस्लाई अनुसरण गरेमात्र शान्ती सुव्यबस्था कायम भएर राष्ट्र अघी बढ्न सक्ने भएकोले भगवान बुद्धको सन्देशलाई आत्मासाथ गर्न सबै नेपालीलाई आग्रह गर्नु भएको थियो। नागिरिक समाजका अगुवा कमलमणी गुरागाइले आज नेपालीहरुले "बुद्ध वाज ब्रोन इन नेपाल" लेख्नु पर्नेदिन आएकोमा दु:ख ब्याक्त गर्नु भयो। उहाले नेपाली ब्यबसायीहरुप्रती ब्याङ्ग गर्दै वर्षमा एक दिन बुद्ध जयन्ती मनाएर मजदुरहरुलाई श्रम शोषन गर्नेहरु बुद्धको मार्गमा चल्न नसकन्ने भन्दै सबै श्रमिकहरुलाई बेलामा तलब र सेवा सुबिदा दिन नेपाली ब्यबसायीहरुलाई आग्रह गर्नु भयो। नेपाली महिला समाज कतारकी अध्यक्ष रेखा राईले अन्य समुदायले बुद्ध जयन्तिकै दिन बुद्ध जयन्ती मनाईरहादा बुद्धको देशका हामी नेपालीहरुले "शुक्रवार" पर्खिनु गम्बिर त्रुटी भएको औलाउनु भयो। राईले नेपाली राजनीतिक दलको लापर्वाहिको कारण भारतले बुद्ध भारतमा जन्मिएको जस्ता दुस्प्रचार गर्ने आश्र्य पाएको टिप्पणी गर्दै सगरमाथा र बुद्ध नेपालको भन्नु अर्ध सत्य हो, भन्ने हिमाल साप्ताहिक सम्पादक कनकमणी दिक्षित जस्ता राष्ट्र द्रोहीहरुलाई कार्वाही गर्न नेपाल सरकार सँग आग्रह गर्नु भयो।

जनजाती आदिवासी महासंघ कतारको प्रमुख संयोजन र नेपाल प्रवासी मगर संघ अध्यक्ष शरण थापा मगरले सभापतित्व गर्नु भएको उक्त कार्यक्रममा बुद्धिजिबी बिल गुरुङ, एन आर एन अध्यक्ष मक्सुत आलम,जन संपर्क मञ्च अध्यक्ष बिमल सुबेदी,मञ्च सम्बद्ध संघिय लिम्बुवान प्रबक्ता मिङ्सो सुहाङ, जनप्रगतिशिल मन्चका सदस्य प्रेम बिक , नेपाल प्रवासी एकता मञ्च अध्यक्ष कार्यवहाक अध्यक्ष चनक पोख्रेल ,नेपाली एकता समाज अध्यक्ष टुकनाथ शर्मा,आदिवासी जनजातीमहासंघ कतार अध्यक्ष बिनेश तामाङ, नागरिक समाज अगुवा डिबी कार्की लगायत बिभिन्न सामाजिक,मात्री संसस्थाका प्रतिनिधिहरुले कार्यक्रमलाई शुभकामना दिनुभएको थियो। गैर आवासिय नेपाली संघको बिशेष सहयोगमा भएको २५५८ औ बुद्ध जयन्तीकोबारेमा तामाङ समाजका सदस्य लक्षमण लामाले स्पष्ट पार्नु भएको थियो। कार्यक्रमको संञ्चालन सियाराम चौधरिले गर्नु भएको थियो।

बुद्ध जयन्तीका केहि झलकहरु