धन कमाउने आशा मा ईजराईल पुगेकी मिना को एस्तो हालत

 १० भदौ- कसले सोचेको हुन्छ र आफूलाई केहि आपद-विपद पर्छ भनेर। अचानक आउने विपदले मानिसको जिन्दगीको मोड नै परिवर्तन गरिदिन्छ। सपना सबैले देखेको हुन्छ, त्यहि सपनाले डोह्राएर कहाँ-कहाँ सम्म पुर्याउँछ। इटहरी गौरादाकी राज कुमारी अधिकारी ‘मिना’लाई पनि त्यस्तै ठूला-ठूला सपनाले तानेर इजरायमा पुर्याएको थियो। केहि बर्ष काम गरेपछि भिसाको म्याद सकियो। म्याद सकिएपनि अन्य वयबस्था भएकोले उनि हाल इजरायलमा नै छिन् तर उनि काम गर्न नसक्ने अवस्था थला परेकी छिन्।

सुन्दा सामान्य लाग्ने दुर्घटनाले उनको खुट्टा भाँचिएको तीन महिना भन्दा बढि भईसक्यो। आँगनमा लडेर भाँचिएको खुट्टा अझै निको भएको छैन। आफुलाई काम दिने बुढि आमाकी छोरीको घर गएको बेला आँगनको छेउमै रहेको बोटमा कागती टिपेर फर्किने क्रममा चिप्लिएर उनि लडेकी थिइन्। त्यसपछि उनि हिँडडुल गर्न पनि सकेकी छैनिन्।

‘पेपर भिसा’ भएकोले उनको उपचार बीमा कम्पनीले गरिदिएको छ। यदि ‘पेपर भिसा’ नभएको भए उनको खर्च कति हुन्थ्यो अनुमान गर्नै गाह्रो छ। ‘भिसा म्याद सकिएकोले पेपर भिसा गरेर मात्रै बस्नुहोला नत्र यो बिरानि मुलुकमा कति दु:ख पाईन्छ ठम्याउन समेत कठिन पर्छ’ मिनाले आफु जस्तै हजारौँ नपालीलाई सुझाव दिँदै भनिन्। ‘धेरै ठूला सपना साँचेर अर्काको देशमा दु:ख गरेकी मैले आज यो गती व्यहोर्नुपर्यो। अचानक भएको सामान्य दुर्घटनाले यस्तो ठूलो समस्या निम्त्यायो। सँधै ख्याल गर्नुहोला’ आफ्नो पिडा साट्दै उनले बताईन्।

उनले इजरायलको  Petah Tikva को फरियाना भन्ने स्थानमा रहेको एक घरमा केयर गिभरको काम गर्दै आएकी थिइन्। हाल उनको फर्सेवाको मियर अस्पतालमा उपचार भईरहेको छ। उनलाई एक नेपालीले सहयोग गरिरहेको बताईएको छ।