काठमाडौ, आश्विन १० -नेकपा-माओवादी नेतृत्वको ३३ दलीय राजनीतिक मोर्चाले घोषति संविधानसभा निर्वाचनविरुद्ध आन्दोलन चर्काउने घोषणा गरेको छ ।
माओवादी पार्टी कार्यालय बुद्धनगरमा बिहीबार पत्रकार सम्मेलन गरी मोर्चाले सशक्त विरोधका कार्यक्रम घोषणा गरेको हो । मोर्चाले घोषति संविधानसभा बिथोल्न आमहड्तालसम्मको कार्यक्रम सार्वजनिक गरेको छ । मोर्चाले असोज १३ गते सबै जिल्लाका निर्वाचन आयोगका कार्यालयहरूमा निर्वाचनको कार्यक्रम कार्यान्वयन नगर्न र नगराउन सचेतता पत्र बुझाउने भएको छ ।
यसैगरी असोज १६ गते निर्वाचन बहिष्कार सम्बन्धी पर्चा वितरण गर्ने, असोज १७ गते सबै जिल्ला सदरमुकामहरूमा ४ दलका शीर्ष नेताहरूको प्रतिकात्मक पुत्ला जलाउने, असोज १९ गतेदेखि कात्तिक १ गतेसम्म घरदैलो अभियान, सांस्कृतिक अभियान सञ्चालन गर्ने र उम्मेदवारहरूको घर-घरमा उम्मेदवारी फिर्ताको लागि पत्राचार गर्ने घोषति संघर्षका कार्यक्रममा छ । त्यसैगरी कात्तिक २५ गतेदेखि मंसिर ४ सम्म लगातार चुनावलाई अवरोध गर्ने कार्यक्रम समेत मोर्चाले सार्वजनिक गरेको छ । यसैगरी कर्मचारी र सुरक्षाकर्मीहरूलाई चार दलको कदममा साथ नदिन अपिल गर्ने, कात्तिक २ गतेदेखि उम्मेदवारहरूलाई जिल्ला तथा गाउँ प्रवेशमा रोक लगाउने, उम्मेदवारहरूको घर अगाडि कालो झन्डा गाड्ने, उम्मेदवारहरूका विरुद्ध सामाजिक बहिष्कार अभियान सञ्चालन गर्ने निर्णय ३३ दलको छ ।
मोर्चाले चार दलका शीर्ष नेताहरू पुगेका जिल्लामा कार्यक्रम गर्न अवरोध गर्ने, प्रत्येक बुथ-बुथमा युवाहरूको बहिष्कार टोली खटाउने भएको छ ।मोर्चाले अन्तर्राष्ट्रिय समुदायको रोहबरमा सम्पन्न बृहत् शान्ति सम्झौतालाई सरकारी पक्षबाट एकपक्षीय रूपमा भंग गरी निर्वाचनको सुरक्षाको नाममा नेपाली सेना परिचालन गर्ने भनी गरिएको निर्णयबारे अन्तर्राष्ट्रिय समुदायलाई ध्यानाकर्षणका लागि अपिल गर्ने निर्णय गरेको छ ।यसैगरी भारतीय सुरक्षाकर्मी नेपाल प्रवेशको विरोधमा असोज १७ गतेदेखि भारतीय नम्बर प्लेटका सरकारी तथा निजी क्षेत्रका मालवाहक तथा यात्रुवाहक गाडीहरूलाई नेपाल प्रवेशमा रोक लगाउने निर्णय गरेको छ!
माओवादी पार्टी कार्यालय बुद्धनगरमा बिहीबार पत्रकार सम्मेलन गरी मोर्चाले सशक्त विरोधका कार्यक्रम घोषणा गरेको हो । मोर्चाले घोषति संविधानसभा बिथोल्न आमहड्तालसम्मको कार्यक्रम सार्वजनिक गरेको छ । मोर्चाले असोज १३ गते सबै जिल्लाका निर्वाचन आयोगका कार्यालयहरूमा निर्वाचनको कार्यक्रम कार्यान्वयन नगर्न र नगराउन सचेतता पत्र बुझाउने भएको छ ।
यसैगरी असोज १६ गते निर्वाचन बहिष्कार सम्बन्धी पर्चा वितरण गर्ने, असोज १७ गते सबै जिल्ला सदरमुकामहरूमा ४ दलका शीर्ष नेताहरूको प्रतिकात्मक पुत्ला जलाउने, असोज १९ गतेदेखि कात्तिक १ गतेसम्म घरदैलो अभियान, सांस्कृतिक अभियान सञ्चालन गर्ने र उम्मेदवारहरूको घर-घरमा उम्मेदवारी फिर्ताको लागि पत्राचार गर्ने घोषति संघर्षका कार्यक्रममा छ । त्यसैगरी कात्तिक २५ गतेदेखि मंसिर ४ सम्म लगातार चुनावलाई अवरोध गर्ने कार्यक्रम समेत मोर्चाले सार्वजनिक गरेको छ । यसैगरी कर्मचारी र सुरक्षाकर्मीहरूलाई चार दलको कदममा साथ नदिन अपिल गर्ने, कात्तिक २ गतेदेखि उम्मेदवारहरूलाई जिल्ला तथा गाउँ प्रवेशमा रोक लगाउने, उम्मेदवारहरूको घर अगाडि कालो झन्डा गाड्ने, उम्मेदवारहरूका विरुद्ध सामाजिक बहिष्कार अभियान सञ्चालन गर्ने निर्णय ३३ दलको छ ।
मोर्चाले चार दलका शीर्ष नेताहरू पुगेका जिल्लामा कार्यक्रम गर्न अवरोध गर्ने, प्रत्येक बुथ-बुथमा युवाहरूको बहिष्कार टोली खटाउने भएको छ ।मोर्चाले अन्तर्राष्ट्रिय समुदायको रोहबरमा सम्पन्न बृहत् शान्ति सम्झौतालाई सरकारी पक्षबाट एकपक्षीय रूपमा भंग गरी निर्वाचनको सुरक्षाको नाममा नेपाली सेना परिचालन गर्ने भनी गरिएको निर्णयबारे अन्तर्राष्ट्रिय समुदायलाई ध्यानाकर्षणका लागि अपिल गर्ने निर्णय गरेको छ ।यसैगरी भारतीय सुरक्षाकर्मी नेपाल प्रवेशको विरोधमा असोज १७ गतेदेखि भारतीय नम्बर प्लेटका सरकारी तथा निजी क्षेत्रका मालवाहक तथा यात्रुवाहक गाडीहरूलाई नेपाल प्रवेशमा रोक लगाउने निर्णय गरेको छ!
No comments:
Post a Comment