प्रमेस तमु
नवलपरासी,१८ भाद्र- राष्ट्रिय जनमुक्ति पार्टीको जनावार्गीय संगठन राष्ट्रिय दलित मोर्चाले नवलपरासिमा राष्ट्रिय सम्मेलनको उदघाटन गरेको छ।
महाधिबेशनलाई उदघाटन गर्दै राष्ट्रिय जनमुक्ति पार्टीका अध्यक्ष एम.एस.थापाले राज्यको नीति निर्माण तहमा दलित तथा पिछडा वर्गको प्रतिनिधित्व नभएसम्म दलितहरुको अधिकार स्थापित हुन नसक्ने र अधिकारका लागि दलित समुदायहरु एक जुट भएर अगाडि बढ्नु पर्ने बताउनु भयो ।अध्यक्ष एम् एस थापाले राष्ट्रिय जनमुक्ति पार्टी दलित मुक्तिका लागि स्थापनाकालदेखि नै मुद्दा उठाउँदै आएको र राष्ट्रिय जनमुक्ति पार्टीमा नीतिलाई ईमान्दारिताका साथ कार्यान्वयन गरेको भन्दै जिकर पनि गरे। उत्पीडन र पछाडि परेको वर्ग तथा समाजको उत्थान विना देशले फड्को मार्न नसक्ने भन्दै देशमा बसोवास गर्ने हरेक जातजातीको विकासको लागि राज्य गम्बिर हुनु पर्नेमा जोड दिनु भयो ।
महाधिवेशन मुल तयारी समितिका संयोजक मोतिलाल सुनारको अध्यक्षतामा भएको कार्यक्रममा राष्ट्रिय दलित मोर्चाका केन्द्रीय अध्यक्ष रामु परियार, सभासद सिमा कौशल, पार्टीका संघीय परिषद सदस्य कर्णबहादुर सुनारी, प्रेम पोखरेल, झमबहादुर गुरुङ्ग लगायतले बोल्दै राज्यको हरेक क्षेत्रमा जातीय जनसंख्याको आधारमा प्रतिनिधित्व नभए सम्म सम्पूर्ण जातजातीको अधिकार स्थापित नहुने भन्दै अधिकारको लागि एकजुट हुनुको विकल्प नभएको बताएका थिए।
प्रथम राष्ट्रिय दलित मोर्चाको महाधिवेशनमा२७ जिल्लाका करिव १ सय ५० जना प्रतिनिधिहरुको सहभागिता रहेको प्रथम महाधिवेशन विहिवार सम्म संचालन हुने मोर्चाले र यही महाधिवेशनले नयाँ नेतृत्व चयन गर्ने समेत मोर्चाले जनाएको छ ।
No comments:
Post a Comment