काठमाडौं, भदौ ३०– उपचारको क्रममा नर्भिक अस्पतालमा सोमबार बिहान निधन भएका एमाओवादी नेता पोष्टबहादुर बोगटीको पार्थिक शरीरलाई श्रद्धाञ्जलीका लागि अहिले पार्टी कार्यालय कोटेश्वर पेरिसडाँडामा राखिएको छ ।उनको पार्थिब शरीर नर्भिक अस्पतालबाट शिधै पार्टी कार्यालय लगिएको हो ।बिहीबार हृदयघात भएपछि बाँसबारीस्थित गंगालाल हृदयरोग केन्द्र लगिएका उनलाई मष्तिष्कघात समेत भएको पाइएपछि थापाथलीस्थित नर्भिक अस्पतालमा उपचारका क्रममा विहान ७ बनेर २५ मिनेटमा निधन भएको थियो ।
एमाओवादी अध्यक्ष प्रचण्डका प्रेस सहयोगी शीब खकुरेलले स्वर्गिय बोगटीप्रति अन्तिम श्रद्धाञ्जली व्यक्त गर्नका लागि उनको शबलाई बिहान ११ बजेसम्म पार्टी कार्यालयमा राख्ने तय भएको रातोपाटीलाई जानकारी दिए । अहिले बोगटीप्रति अन्तिम श्रद्धाञ्जली व्यक्त गर्नका लागि पेरिसडाँडामा पार्टीका शीर्षनेताहरु, विभिन्न तथा नेताहरु, कार्यकर्ता तथा शुभेच्छुकको भीड लागेको छ । यस्तै बिहान ११ बजे पार्टी कार्यालयबाट शब श्रद्धाञ्जलीको लागि खुल्लामञ्चमा लगिने कार्यक्रम तय भएको खकुरेलले बताए ।उनको आजै अन्त्येष्टि गरिने कार्यक्रम छ ।६२ वर्षीय नेता बोगटीको बिहान ७: ५ बजे निधन भएको नर्भिक अस्पतालका नायव महाप्रबन्धक आरपी मैनालीले पुष्टि गरेका थिए ।यसैबीच एमाओवादी नेता बाबुराम भट्टराईले बोगटीको निधन भएकोमा समबेदना व्यक्त गरेका छन् । उनले ट्वीटरमा लेखेका छन्, ‘सहयोद्धा क पोष्टबहादुर बोगटीको आज बिहान दुस्खद निधन भएको छ । उहाँप्रति हार्दिक श्रद्धासुमन र परिवारजनमा समवेदना १अन्तिम लालसलाम क।दिवाकर !’नुवाकोट जिल्ला तुप्चे गाविस वडा नं २ को भित्रिनिटार मा २०१० सालमा बोगटीको जन्म निम्न मध्यम परिवारमा भएको थियो । बुवा भैरवबहादुर बोगटी र आमा लेखकुमारी बोगटीको कोखबाट जन्मिएका बोगटी एमाओवादीभित्र त्यागी,भद्र र शलीन नेताका रुपमा परिचित थिए । पटकपटक मन्त्री बनेका बोगटी २०६४ सालमा भएको पहिलो संविधानसभा निर्वाचनमा नुवाकोट क्षेत्र नं ३ बाट विजयी भएका थिए ।-
No comments:
Post a Comment