Mingso Suhang
पाँचथर,भदौ १७- राष्ट्रिय जनमोर्चा पार्टीको संघीयता बिरुद्ध राष्ट्रव्यापी अभियान अन्तरगत पाँचथर आईपुगेका राम बहादुर बुढा लगायतले पाँचथर फिदिममा फेरी अर्को लिम्बुवानको सामना गर्नु परेको छ।
धेरै जसो पुर्वी पहाडी जिल्लाका जनताहरु संघीयताको बिरोधीहरुलाई खुट्टा नै राख्न नदिने चुनौती गर्छन। गत साता भने राजमोको संघीयताको बिरुद्ध राष्ट्रिय अभियान अन्तरगत ईलाम फिक्कल पुगेका राजमोका कार्यकर्ताहरुमाथी मञ्च मै लिम्बुवान सँग माईक्रोफन ताना तान परेको थियो तर प्रहरीको नियन्त्रण पछि सहज रुपमा नै कार्यक्रम सफल भएको राजमो राष्ट्रिय अभियानका सदस्य राम बहादुर बुढा बताउनु हुन्छ।
ईलाममा हौसिएका राजमोका कार्यकर्ताहरु अभियानलाई निरन्तर्ता दिन फेरी पाँचथर फिदिममा पुग्नु भएको थियो।तर पाँचथरको माहोल फिक्कलमा जस्तो भएन। मञ्च सम्बद्ध संघीय लिम्बुवान राज्य परिषद वा कुमार लिङदेन पक्षका परिषदका कार्यकर्ताले मञ्च नै तितर बितर बनाई अबरोध खडा गरे। मञ्चमा अतिथीहरु पुग्ने बित्तिकै परबाट सेतम्मै फुलेका बृद्धा देखी नाकमा सिंगान तान्दै गरेका बालकका एउटा हुल बढेर आयो। मञ्च तर्फ रहेका धेरैले राजमोका मान्छे रहेछन भनेर हर्सित बनि रहेका थिए तर मञ्चको छेउ त्यो हुल आई पुग्दा असिना बर्षीए झै ढुङ्गाहरु बर्षीन शुरु गरे मञ्चबाट अतिथीहरुको भागरे भाग भयो। तुरुन्त प्रहरीले फेरी माओललाई नियन्त्रणमा लियो। यो लोकतन्त्रको बिरुद्ध भयो भन्ने प्रश्नमा खरिएका एक विपक्षी बृद्धाले भने "हामीले लोकतन्त्रलाई ढुङ्गा हानेका होईनौ बरु हजारौ जनताको अमुल्य बलिदानले स्थापीत (अझ झोकिन्दै भने) हाम्रो ईच्छा,चाहाना,आकांक्षा "संघीयता"को बिरोधी चित्रेका कार्यकर्तालाई सुध्रिन ढुङ्गे फुलको गुच्छाले स्वागत गरेको" बताए। भने यता राजमो राष्ट्रिय अभियानका सदस्य राम बहादुर बुढा लोकतन्त्रको बिपरीत भएको बताउनु भयो। तपाईहरु मञ्च नै छोडेर किन भाग्नु भयो भन्ने प्रश्नमा राम बहादुर भन्नु हुन्छ "मान्छे भन्दा धेरै ढुङ्गा आयो के गर्न ? तर्किन त पर्यो"। ढुङ्गा प्रहारबाट खासै ठुलो असर नपुगे पनि सुरेन्द्र भण्डारी बिष्णु थिंग र तिलक गहा मगरलाई सामन्य चोट लागेको कुरा राम बहादुर बुढा मगरले बताउनु भयो।
No comments:
Post a Comment